დავაჯამეთ ყველა საარჩევნო უბნის ოქმი და ვნახეთ, რომ საშუალო დისბალანსი 26 პროცენტია. ამ ოქმებში ხმათა რაოდენობა, ბათილი ბიულეტენების მაჩვენებელი და არჩევნებზე მისულთა საერთო რაოდენობა ერთმანეთს ვერ ემთხვევა.
მუშაობის პროცესში ჩვენ ვითვალისწინებდით იმ შესწორებებს, რომელიც დაწერილი იყო 1 ნოემბრის ღამეს ან დილით და რომელსაც კომისიის ყველა წევრი აწერდა ხელს. არ გავითვალისწინეთ შესწორების ოქმები, რომელიც დაწერილია 2 ნოემბრიდან და რომელსაც მხოლოდ კომისიის მდივანი და თავმჯდომარე აწერენ ხელს. დაწერეს 93 შესწორების ისეთი ოქმი, რომელიც მთავარ შემაჯამებელ ოქმს მაინც ვერ აბალანსებს. 837 ოქმი, რომელშიც რიცხვები არ ჯამდება, შესწორების გარეშეა დარჩენილი.
როგორც აღმოჩნდა, არითმეტიკა ყველაზე უკეთ რაჭა-ლეჩხუმისა და სვანეთის უბნებზე იციან, სადაც ოქმებში დისბალანსის მაჩვენებელი 7%-ა. ყველაზე ცუდად კი საბურთალოზე, რომელიც ოქმებში დისბალანსის მაჩვენებლით ლიდერია – 46%.
ოქმების შესახებ სრული ინფორმაცია იხილეთ ამ ბმულზე:
